Fiskistofa hefur tekið saman skrá yfir 100 stærstu handhafa hlutdeilda og 50 stærstu handhafa krókaaflahlutdeilda miðað við stöðuna 1. september  sl. eftir úthutun á aflamarki  í upphafi nýs fiskveiðiárs.  Sem fyrr ræður HB Grandi yfir mestum hlutdeildum, síðan  koma Samherji og Síldarvinnslan.  Jakob Valgeir ehf í Bolungarvík ræður yfir mestri krókaaflamarkshlutdeild. Fiskistofa hefur eftirlit með því að yfirráð einstakra aðila yfir aflahlutdeildum fari ekki umfram þau mörk sem lög kveða á um og bregst við þegar svo ber undir. Að þessu sinni á það eingöngu við um handhöfn Jakobs Valgeirs ehf á krókaaflahlutdeildum.