Línuívilnun

Dagróðrabátar á línuveiðum geta í einstökum róðrum landað afla umfram aflamark í þorski, ýsu og steinbít. Þessi heimild er þó bundin við ákveðið hámark í hverri tegund og skilgreind tímabil. Hér má sjá stöðu á afla til línuvílnunar. Eftirfarandi skilyrði þarf að uppfylla til þess að eiga rétt á línuívilnun:

• Ekki mega önnur veiðarfæri vera um borð í bátnum.
• Hafi línan verið beitt í landi má landa 20% umfram þann afla sem reiknast til kvóta.
• Hafi línan verið stokkuð upp í landi má landa 16% umfram þann afla sem reiknast til kvóta.
• Báturinn komi til löndunar innan 24 klst. frá upphafi veiðiferðar.
• Sjálfvirkt tilkynningakerfi bátsins þarf að vera virkt.
• Skipstjóri þarf að tilkynna um upphaf og lok róðurs í gegnum Símalínu, sjálfvirkan þjónustusíma Fiskistofu.
• Skipstjóri þarf að tryggja við vigtun og skráningu aflans á hafnarvog að veiðarfærið landbeitt lína sé skráð sem veiðarfæri aflans í aflaskráningarkerfið GAFL.

Sjávarútvegs- og landbúnaðarráðherra gefur út reglugerð fyrir hvert fiskveiðiár þar sem tímabil, aflamagn og framkvæmd línuívilnunar eru nánar skilgreind fyrir viðkomandi fiskveiðiár.