Útflutningur

Útflutningur

Fiskistofa safnar upplýsingum um magn og verðmæti þess afla sem fluttur er óunninn á erlenda fiskmarkaði. Alls voru 44.727 tonn flutt út á árinu 2019. Það er um5% samdráttur frá fyrra ári.


Lönd og magn

Í töflu 6.1 má sjá yfirlit yfir útflutning á óunnum ísuðum afla eftir tegundum og löndum árin 2019 og 2018. Eins og sést þar er talsverður samdráttur í útflutningi á þorski til Bretlands en talsverð aukning í útflutningi til Bretlands á ýsu. Aukning er á útflutningi á djúpkarfa á milli ára en útflutningur á öðrum tegundum hefur verið að minnka.



Útgáfa vottorða

Fiskistofa hefur um nokkurra ára skeið borið ábyrgð á að gefa út veiði- og vinnsluvottorð sem nauðsynleg eru við útflutning á sjávarafurðum og staðfesta að afurðirnar eigi uppruna sinn í löglegum veiðum. Evrópusambandið skilgreindi kröfur um þetta efni á sínum tíma og vottorðin eru sniðin að tilskipun þaðan en það færist æ meir í aukana að gerð er krafa um þessi vottorð vegna 

útflutnings til landa utan ESB. Þannig eru þessi vottorð t.d. nauðsynleg á mikilvægum mörkuðum í Austur-Evrópu og víða í Asíu. Frá áramótum 2018 gerðu bandarísk stjórnvöld kröfu um svipuð vottorð vegna innflutnings þangað á nokkrum tegundum, þ.á m. þorski. Fiskistofa vann að því í samvinnu við hagsmunaaðila og stjórnvöld að koma upp rafrænni útgáfu vottorða vegna viðskiptanna við Bandaríkin og var það tilbúið tímanlega fyrir árslok 2017.

Á árinu 2019 voru gefin út 36.885 rafræn veiðivottorð sem er tæplega 5,5% aukning frá fyrra ári. Útgefin vinnsluvottorð 2019 voru 683 og fjölgaði þeim um rúmlega 12,3% á milli ára. Frá árinu 2007 hefur Fiskistofa séð um útgáfu á leyfum til út- og innflutnings á afurðum sjávardýra sem heyra undir svonefndan CITES-samning. Á árinu gaf Fiskistofa út 20 slík leyfi en á árinu 2018 voru þau 39 talsins. Aðallega var um útflutning á hvalaafurðum að ræða bæði til vísindaiðkunar og sölu.



Frekari upplýsingar - Allur kaflinn  í prentvænni útgáfu

Fyrri kafli  -  Valmynd Ársskýrslu  -  Næsti kafli

Finna skip

Tungumál síðu




banner4
Þetta vefsvæði byggir á Eplica