Fréttir

Afli í deilistofnum

19.10.2017

Fiskistofa hefur tekið saman  yfirlit yfir afla fyrstu níu mánuði ársins í  norsk-íslenskri síld, makríl, úthafskarfa á Reykjaneshrygg og kolmunna. 

Góð aflabrögð í kolmunna

Það sem af er ári hafa íslensk skip veidd rúm 184 þúsund tonn af kolmunna.  Aflinn á sama tíma í fyrra var nokkuð minni eða 163.023 tonn. Mestur afli á þessari vertíð er fenginn að venju í lögsögu Færeyja eða rúm 158.891 tonn og í íslenskri lögsögu 17.563 tonn. Aflahæsta skipið í kolmunnaveiðum á þessari vertíð er Víkingur AK-100 með 15..486 tonn. Næst kemur Venus NS-150 með 14.833 tonn.

Litlu minni makrílafli en á síðasta ári

Makrílvertíð er nánast lokið og er heildarafli íslenskra skipa á vertíðinni 167 þúsund tonn. Þetta er litlu minni afli en á allri vertíðinni í fyrra þegar hann var 172 þúsund tonn. Íslensk skip fengu 106,1 þúsund tonn eða 63,5% aflans í íslenskri lögsögu en 57,8 þúsund tonn á alþjóðlegu hafsvæði.

Aflahæsta skipið á makrílveiðunum á vertíðinni er Venus NS-150 með 11.723 þúsund tonn. Næst kemur Víkingur AK-100 með 11.400 tonn og Vilhelm Þorsteinsson EA-11 með 9.955 tonn.

Síldarafli svipaður og á síðasta ári

Heildarafli íslenskra skipa í norsk-íslenskri síld er það sem af er ári 50.739 tonn en á síðasta ári var  aflinn 50.186 tonn. Aflinn er að mestu fenginn úr  íslenskri lögsögu alls  47.201 tonn eða 93% og 2.810 tonn úr alþjóðlegu hafsvæði.

Skiptingu afla íslenskra skipa í úthafstegundum eftir veiðisvæðum er hægt að skoða hér.

Til baka Senda grein

Finna skip

Tungumál síðu




banner4
Þetta vefsvæði byggir á Eplica