Fréttir

Afli í deilistofnum í nóvember 2016

2.12.2016

Fiskistofa hefur tekið saman yfirlit yfir afla fyrstu níu mánuði ársins í  norsk-íslenskri síld, makríl og kolmunna.  Það sem af er ári er afli í íslenskra skipa í þessum deilistofnum minni en á sama tíma í fyrra í kolmunna en meiri í makríl og norsk-íslenskri síld.

Síldarafli nokkuð meiri en á síðasta ári

Afli íslenskra skipa úr norsk-íslenska síldarstofninum í nóvember var 1.012 tonn.  Í reynd er þetta aðeins tvær landanir, hjá Huginn VE-55 sem landaði aflanum þann 1. nóvember sl. alls 478 tonnum og Aðalsteinn Jónsson landaði 534 tonn.

Heildarafli íslenskra skipa á fyrstu ellefu mánuðum ársins er nokkuð meiri en á síðasta ári. Íslensku skipin höfðu landað 47.9 þúsund tonn á yfirstandandi vertíð miðað við 42,6 þúsund tonn á sama tíma í fyrra.  Þar af hafa íslensku skipin fengið 46,6 þúsund tonn úr íslenskri lögsögu eða 99,8% af afla úr norsk-íslenska síldarstofninum.

Aflahæsta skipið á vertíðinni er Börkur NK-122 með 5.284 tonn og Beitir NK-123 með 4.885 tonn.

Vertíðinni lokið í kolmunna

Kolmunni_myndÍ nýliðnum mánuði veiddu íslensk skip aðeins 137 tonn af kolmunna sem komu sem meðafli við síldveiðar.

Það sem af er ári hafa íslensk skip veitt 164,3 þúsund tonn af kolmunna.  Á sama tíma í fyrra var aflinn nokkuð meiri eða 188 þúsund tonn.  Mestur afli á yfirstandandi vertíð var veiddur úr lögsögu Færeyja eða alls 154,6 þúsund tonn og úr íslenskri lögsögu var aflað 8 þúsund tonn.

Aflahæsta skipið í kolmunna á ofangreindu tímabili er Beitir NK-123 með 19,3 þúsund tonn og Börkur NK-122 með 19,2 þúsund tonn.

Litlu meiri makrílafli en á síðasta ári

Makrílvertíð lauk fyrir nokkru eða undir lok septembermánaðar.  Enginn makrílafli barst í veiðarfæri íslenskra skipa í nóvember mánuði en í október komu 1.341 tonn sem meðafli við síldveiðar austur af landinu.

Heildarafli íslenskra skipa á vertíðinni er 172,2 þúsund tonn.  Þetta er 1,7% meiri afli en á vertíðinni 2015 þegar hann var 169,3 þúsund tonn.

Íslensk skip lönduðu alls 152,6  þúsund tonn eða 89% aflans úr íslenskri lögsögu en 11,4 þúsund tonn úr alþjóðlegu hafsvæði og 6,8 þúsund tonn úr grænlenskri lögsögu.

Aflahæsta skipið á makrílveiðunum á vertíðinni er Venus NS-150 með 11,6 þúsund tonn.  Næst kemur Víkingur AK-100 með 9,6 þúsund tonn og Vilhelm Þorsteinsson EA-11 með 19 þúsund tonn.

Til baka Senda grein

Finna skip

Tungumál síðu




banner4
Þetta vefsvæði byggir á Eplica