Fréttir

Íshlutfall í febrúar til apríl

9.6.2020

Fiskistofa birtir hér niðurstöður vigtana m.t.t. íshlutfalls hjá þeim vigtunarleyfishöfum þar sem veiðieftirlitsmenn Fiskistofu hafa viðhaft eftirlit með endurvigtun á tímabilinu 1. febrúar til 30. apríl 2020.

Taflan hér að neðan sýnir samanburð á  vegnu meðalíshlutfalli hvers vigtunarleyfishafa þegar eftirlitsmaður var ekki á vettvangi og íshlutfallinu þegar eftirlit var haft með vigtuninni. 

  • Vegið meðalíshlutfall er íshlutfall vigtunar þegar tekið er tillit til heildarmagns sem vigtað er í öllum vigtunum  frá tilteknu skipi hjá viðkomandi leyfishafa. 
  • Þessi tala er borin saman við íshlutfallið þegar eftirlitsmaður er viðstaddur endurvigtun og mismunurinn í prósentustigum er birtur. 

Taflan sýnir einnig heildarafla sem viðkomandi skip landaði hjá vigtunarleyfishafanum á tímabilinu.

Ástæður  breytilegs íshlutfalls geta verið margvíslegar. Það er hlutverk Fiskistofu að hafa eftirlit með að vigtun á sjávarafla sé sem réttust. Til þess að rækja það hlutverk sem best beitir  Fiskistofa margvíslegum aðferðum og  má í því sambandi nefna samvinnu við útgerðir og vinnslur, áhættugreiningu og aðgengi allra að upplýsingum um veiðar og afla.

 

Klikkið á myndina til að stækka:

 

Skýringar: 

  • Blaðsíðutölin á myndinni vísa á gögn um viðkomandi landanir og endurvigtanir í skjalinu hér að neðan. 
  • Feitletruðu hlutfallstölurnar sýna í prósentustigum mismuninn á íshlutfalli í aflanum við endurvigtun að viðstöddum eftirlitsmanni í samanburði við meðalísmagn í öllum afla viðkomandi skips sem aðili  vigtaði á tímabilinu án viðveru eftirlitsmanns. Mismunurinn  birtist í prósentustigum.
  • Svo dæmi sé tekið er efst á listanum aðili þar sem íshlutfallið í aflanum  var að meðaltali 10,71% en við yfirstöðu eftirlitsmanns reyndist ísinn 4,52%.  Mismunurinn er 6,19 prósentustig sem íshlutfallið er lægra við yfirstöðu en það var í aflanum að jafnaði á tímabilinu. Í þessu  tilfelli þýðir þetta að ís við yfirstöðu  reyndist vera einungis  um 42% af því sem  hann var skráður þegar  eftirlitsmaður var ekki á staðnum.

 

Grunngögn um hlutfall kælimiðils hjá vigtunarleyfishöfunum

Í gögnunum eru þær vigtanir þar sem eftirlitsmenn hafa verið viðstaddir auðkenndar með bláum lit en aðrar vigtanir eru sýndar gráar.

Excel-skjal með talnagögnum

Til baka Senda grein

Finna skip

Tungumál síðu




banner5
Þetta vefsvæði byggir á Eplica