Fréttir

Lágmörkum umframafla í strandveiðum

28.4.2017

Eins og flestir vita má ekki veiða meira en sem samsvarar 650 kg, í þorskígildum talið, af kvótabundnum tegundum í hverri veiðiferð á strandveiðum. Á undanförnum árum  hefur borið á því að  nokkuð er um að menn veiði umfram þetta hámark.  Endurgreiða þarf andvirði umframaflans í ríkissjóð en sá afli sem um ræðir dregst engu að síður frá þeim afla sem er til skiptanna á veiðunum.  Fyrir vikið runnu tæpar  40 milljónir króna í ríkissjóð í fyrra sem ella hefðu farið í vasa strandveiðimanna.  Fiskistofa hvetur strandveiðimenn til að gæta sem best að því að veiða ekki umframafla. Í sumar verður tekið upp það nýmæli að listi yfir þá báta sem veiða mest umfram verður birtur  í hverjum mánuði á vef Fiskistofu.

Til baka Senda grein

Finna skip

Tungumál síðu




banner1
Þetta vefsvæði byggir á Eplica