Fréttir

Makrílveiðar Íslendinga 2013

3.3.2014

makril_afli_e_svaedum_08_13Makrílafli íslenskra skipa á siðasta ári var 154 þúsund tonn. Þetta er næstmesti makrílafli íslenskra skipa nokkru sinni en árið 2011 veiddu íslensk skip 159 þúsund tonn.

Alls lönduðu 271 skip makrílafla á árinu. Makrílréttindum innan lögsögunnar var skipFrett-makrilafli-e-pottumt niður í sex flokka. Aflahæsta skipið úr þessum pottum var Aðalsteinn Jónsson SU 11 með rúm 10 þúsund tonn. Því næst kom Huginn VE 55 með rúm 8.800 tonn.

Það þarf ekki að koma á óvart að íslensk skip hafa stundað makrílveiðarnar hingað til innan íslensku lögsögunnar. Á árunum 2009-2012 var meira en 97% makrílaflans aflað innan lögsögunnar en á síðasta ári fór hlutur makríls úr lögsögunni niður í 91%.  Skýringin er eins og sést í töflu 2  aukinn afli úr grænlenskri lögsögu, en á síðsta ári veiddu íslensk skip tæplega 12 þúsund tonn þar.

Íslensk skip hafa einnig veitt makríl úr færeyskri lögsögu og hefur hlutur aflans úr henni verið á bilinu 1-1,5%  síðastliðin sex ár að undanskildu 2009 þegar hluturinn fór í 2,7%. Aflinn var þá rúm 3.100 tonn en var á síðasta ári 1.940 tonn.  Hér er einkum um að ræða meðafla í síldveiðum.

Síðastliðið vor tókst samkomulag milli Íslands og Grænlands um veiðar við Grænland og löndun hérlendis. Grænlendingar gáfu út fimmtán þúsund tonna kvóta, og Íslendingar leyfðu löndun á allt að tólf þúsund tonnum af makríl hérlendis. Íslensk skip lönduðu alls 11.940 tonnum úr grænlenskri lögsögu. Kristína EA 410 landaði mestum afla úr grænlenskri lögsögu hérlendis eða 3.581 tonni og Hákon EA 148 3.306 tonnum. Alls lönduðu sjö skip makríl úr grænlenskri lögsögu hérlendis á síðasta ári.Mynd_stoplarit_heildarafli_makril_fra_2005

Ef horft er til heildarveiði íslenskra skipa af öllum svæðum þá var Kristína EA 410 aflahæst með 12.041 tonn. Næst kom Aðalsteinn Jónsson SU 11 með 10.766 tonn og Huginn VE 55 með 9.737 tonn.
Til baka Senda grein

Finna skip

Tungumál síðu




banner1
Þetta vefsvæði byggir á Eplica