Fréttir

Aflabrögð í strandveiðum í maí

7.6.2016

Strandveiðibátar kláruðu heimildir sínar á svæði A þann 20. maí sl. Lokunin á svæði A var töluvert seinna á ferð  en á síðasta ári en þá var svæðinu lokað þann 14 maí. Ástæðan var þá sjálfsagt óhagstæðara tíðarfar. Svæði D var einnig lokað áður en mánuðurinn var allur eða þann 24. maí.  Heildaraflabrögð strandveiðibátanna í nýliðnum mánuði voru alls 2.356 tonn. Þar af var 915 tonnum landað af svæði A og 531 tonn af svæði D.

Það sem vekur athygli varðandi aflabrögðin í nýliðnum mánuði er að afli á hvern bát var að jafnaði meiri á svæði D en á svæði A. Afli á hvern bát voru 4.498 kg á D svæði en 4.199 kg á A svæði.  

Beta SU-161 aflahæstur í maí

Aflahæsti báturinn á strandveiðunum í maímánuði var Beta SU-161 með 9.547 kg en hann er gerður út á svæði C. Næst kemur Þorbjörg ÞH-25 með 9.266 kg en hann er einnig gerður út á svæði C. Hér til hliðar má sjá lista yfir tíu afla-hæstu strandveiðibátana í maímánuði.

Mesti meðalafli á landsvísu síðan strandveiðar hófust!

Þegar horft er til meðalafla í róðri í maí á undanförnum vertíðum þá er meðalaflinn á yfirstandandi vertíð 610 kg sem mun vera mesti meðalafli fyrir þennan fyrsta mánuð strandveiða síðastliðinna sjö vertíða. Þess ber að nefna að meðalafli var minnstur árið 2013 eða 462 kg í róðri. Þess má geta að tíðarfar í maí 2013 var þá óvenju óhagstætt fyrir strand-veiðibátana en hann hefur verið nokkuð hagstæður.

Líkt og á undanförnum vertíðum þá er meðalafli í róðri mestur hjá bátum sem stunda veiðar á svæði A eða 673 kg.  Næst er aflinn á svæði B 617 kg, svæði C með 557 kg og loks rekur svæði B lestina með 532 kg.

Umtalsvert færri leyfi á yfirstandandi vertíð en á síðustu vertíð

Alls hafa 579 bátar leyfi til strandveiða á yfirstandandi vertíð samanborið við 641 leyfi á síðustu vertíð. Þetta eru 9,7% færri veiðileyfi í ár eða 62 leyfum færri. Þetta eru einnig fæst veiðileyfi sem hafa verið gefið út til strandveiða en flest voru þau árið 2010 þá 747 talsins.

Flest eru veiðileyfin á A svæði eða 218 (38%) og næst á B svæði 127 (22%) og D svæði 118 (20%). Fæst eru þau þá á svæði C eða 116 (20%).

Til baka Senda grein

Finna skip

Tungumál síðu




banner6
Þetta vefsvæði byggir á Eplica