Fréttir

Strandveiðar 2016

19.8.2016

Útgefnum leyfum fjölgaði frá síðasta ári

Alls voru gefin út 670 leyfi til strandveiða á nýafstaðinni vertíð. Þetta er 22 leyfum fleiri en á síðasta ári og 20 leyfum fleiri en á vertíðinni 2014. Flest voru þau gefin út fyrir vertíðina 2012 eða 761 talsins.





Þorskur 93,3% af afla strandveiðibáta

Heildarafli strandveiðibáta á vertíðinni var 9.146 tonn í 14.942 löndunum. Alls veiddu strandveiðibátar á vertíðinni 8.536 tonn af þorski (93,3%). Næstmest var veitt af ufsa eða 461 tonn sem er 5% af heildarafla. Afli í öðrum tegundum var óverulegur eða 1,6% af heildinni. Alls komu 17 tegundir fiska á króka strandveiðibátanna á þessari vertíð. Afli í öðrum tegundum var meðal annars 103 tonn af karfa og 31 tonn af ýsu. Strandveiðibátar veiddu einungis 1 kg af skarkola og 5 kg af gulllaxi.

 

Meðalafli í róðri aldrei meiri

Frá því að strandveiðar hófust vorið 2009 hefur meðalafli í róðri aldrei verið meiri en á nýliðinni vertíð. Meðalaflinn var 614 kg sem er litlu meiri afli en á fyrstu vertíðinni en þá var aflinn 572 kg.  Í fyrra var hann 575 kg og jókst því meðalafli  því um 6,8% milli vertíða.

Svæði A, sem er svæðið frá Eyja- og Miklaholtshrepp til Súðavíkurhrepps, gaf mestan meðalafla í róðri að venju eða 702 kg. Næst komu bátar sem voru á svæði C með 587 kg þá svæði B með 575 kg og svæði D rak svo lestina með 538 kg.


Þorbjörg ÞH-25 aflahæstur strandveiðibáta

Þorbjörg ÞH-25 (2588) sem gerður er út frá Raufarhöfn var aflahæsti báturinn á nýliðinni strandveiðivertíð með rúm 34,7 tonn. Næst kom Birta SU-36 (2635) sem gerður út frá Djúpavogi með 34 tonn og og Natalia NS-90 (2147) frá Bakkafirði með 33,7 tonn.

 

Metfjöldi mála vegna umframafla

Metfjöldi mála komu upp vegna  umframafla sem leiddu til álagningar á vertíðinni. Mánuðina maí til júlí voru málin alls 1.047 talsins en í fyrra komu upp á sama tímabili 898 mál. Þetta er fjölgun um rúm 16%.

Til baka Senda grein

Finna skip

Tungumál síðu




banner1
Þetta vefsvæði byggir á Eplica