Fréttir
Afli og nýting aflaheimilda í september 2009
Heildarafli íslenskra skipa í september mánuði var 77.389 tonn. Þetta er nokkuð meiri afli en á sama tíma í fyrra þegar aflinn var 66.937 tonn. Botnfiskaflinn var 38.407 tonn sem er sömuleiðis meiri afli en á sama tíma í fyrra þegar aflinn var 33.328 tonn.
Mest var um þorsk í september aflanum 13.779 tonn og ýsuaflinn var 6.454 tonn. Íslensk skip hafa á fyrsta mánuði fiskveiðiársins nýtt 9,2% af leyfilegum heildarafla í þorski og 10,2% í ýsu. Á sama tíma í fyrra var nýtingarhlutfallið í þorski 6,4% og ýsu 8,7%. Þess má þó geta að upphafsúthlutun í þorski var á síðasta fiskveiðiári
130.000 tonn sem kann að skýra minna nýtingarhlutfall í fyrra en nú.
Uppsjávaraflinn var einnig meiri í september mánuði en á sama tíma í fyrra. Aflinn var 38.084 tonn en 33.202 tonn í september í fyrra. Aukning í afla á norsk-íslenskri síld er helsta skýringin á aflaaukningunni í uppsjávaraflanum.
Afli í skel- og krabbadýrum var meiri í september sl. en á sama tíma í fyrra. Humaraflinn var 248 tonn samanborið við 154 tonn í fyrra. Aflaaukningin í úthhafsrækju var öllu meiri eða 232 tonnum í fyrra en 638 tonn í síðasta mánuði.
Frekar upplýsingar um afla og nýtingu aflaheimilda í ágúst er að finna á meðfylgjandi síðu.
