Nýting aflaheimilda
Nýtingarhlutfall á skötusel komið upp í 70% á þremur fyrstu mánuðum fiskveiðiársins
Þorskafli íslenskra skipa á Íslandsmiðum í nóvember var 15.594 tonn og ýsuaflinn 5.277 tonn. Íslensk skip hafa á fyrsta fjórðungi fiskveiðiársins nýtt 29,9% af leyfilegum heildarafla í þorski og 28,6% í ýsu. Á sama tíma í fyrra var nýtingarhlutfallið í þorski 21,7% og ýsu 25,4%.
Aflamarksskip hafa nýtt 27,3% af aflaheimildum sínum í þorski sem er nokkuð meira en á sama tíma í fyrra þegar þau höfðu nýtt 25,4% af þorskveiðiheimildum sínum. Nýtingar-hlutfallið er einnig hærra hjá krókaaflamarksbátum á yfirstandandi fiskveiðiári. Krókaaflmarksbátar hafa nú veidd 5.306 tonn af þorski en aflamarkið er 24.999 tonn. Þeir hafa því nýtt 21,2% af aflaheimildum sínum. Á sama tíma í fyrra var nýtingarhlutfallið 18,0%.
Heildarafli íslenskra skipa í nóvember mánuði var 85.689 tonn. Þetta er nokkuð minni afli en á sama tíma í fyrra þegar aflinn var 117.784 tonn. Botnfiskaflinn var 39.586 tonn sem er 9,0% minni afli en á sama tíma í fyrra þegar aflinn var 43.154 tonn.
Á myndinni hér til hliðar má sjá nýtingarhlutfall í helstu botnfisktegundum síðastliðin þrjú fiskveiðiár, í nokkrum af okkar helstu botnfisktegundum. Um er að ræða samanlagt nýtingarhlutfall í báðum fiskveiðistjórnunarkerfunum af leyfilegum heildarafla.
Nýtingarhlutfall íslenskra fiskiskipa í skötusel er nú komið í 70% af úthlutuðum veiðiheimildum á þremur fyrstu mánuðum fiskveiðiársins. Þetta er talsvert hærra hlutfall en á undanförnum fiskveiði-árum. Til að mynda var hlutfallið einungis 41,3% sama tíma á síðasta fiskveiðiári. Veiðitímabilið í skötusel hefur á undanförnum árum verið á sumrin og haustin en svo virðst sem meiri kraftur var nú í veiðunum nú í haust en undanfarin ár.
Uppsjávaraflinn í október var 45.486 tonn og samanstóð nær einungis af síld, þar af 27.038 tonn úr íslenska sumargotssíldarstofninum og 16.997 tonn af norsk-íslenskri síld. Íslensk veiðiskip eru nú farin að nýta sér aflaheimildir sínar í norsk-íslenskri síld í norskri lögsögu. Veiðar á gulldeplu eru hafnar og var afli íslenskra skipa í nóvember 1.451 tonn. Gulldeplan er ekki kvótabundin og var ekki veidd á sama tíma í fyrra.
Afli í skel- og krabbadýrum var meiri í október sl. en á sama tíma í fyrra. Humaraflinn var 162 tonn samanborið við aðeins 1 tonn í fyrra og úthafsrækjuaflinn var 271 tonn en var 52 tonn í nóvember í fyrra. Íslensk skip hafa nú veitt 646 tonn af humri það sem af er fiskveiðiárinu samanborið við 188 tonn á sama tíma í fyrra og hafa nú nýtt 25,1% af leyfilegum veiðiheimildum í humri. Þetta er mun hærra hlutfall en á undanförnum fiskveiðiárum eins og sjá má á stöplaritinu hér til hægri.
Athugið að hægt er að smella á mynd til að fá hana í fulla stærð.
Á yfirstandandi fiskveiðiári hafa íslensk veiðiskip nýtt svipað magn í verkefnasjóð sjávar-útvegs (vs-afli) og á síðasta fiskveiðiári. Þorskaflinn er nú 471 tonn en var á sama tíma í fyrra 485 tonn. Afli í línuívilnun er jafnframt svipaður á yfirstandandi fiskveiðiári og á sama tíma í fyrra. 1.081 tonn hafa verið nýtt til línuívilnunnar það sem af er fiskveiðiárs en var 1.058 tonn á sama tíma í fyrra. Helst er að merkja breytingar í þorski eða 461 tonn samanborið við 370 tonn í fyrra.
Minna er landað sem undirmálsafli en á sama tíma í fyrra eða 856 tonn samanborið við 1.047 tonn í fyrra.
Á þessari síðu má sjá frekara talnaefni um afla og nýtingu aflaheimilda á yfirstandandi fiskveiðiári
