Fréttir
Nýting aflaheimilda
Nýting aflaheimilda - desember 2009
Þorskafli íslenskra skipa á Íslandsmiðum í desember var 13.668 tonn og ýsuaflinn 4.175 tonn. Íslensk skip hafa á fyrsta þriðjungi fiskveiðiársins veitt 58.469 tonn af þorski og er nýtingarhlutfallið 39,0% af leyfilegum heildarafla. Á sama tíma í fyrra var heildarþorskaflinn 45.659 tonn og nýtingarhlutfallið var 28,5%.
Ýsuafli er á fyrstu fjórum mánuðum fiskveiðiársins orðinn 22.201 tonn og hafa íslensk skip því nýtt 35,2% af leyfilegum heildarafla. Á sama tíma í fyrra var ýsuaflinn nokkuð meiri eða 29.546 tonn og höfðu íslensk skip þá nýtt 31,8% af heildaraflanum. Þess má geta að heildaraflamarkið á síðasta fiskveiðiári var þá 93.000 tonn en er nú 63.000 tonn. 
Aflamarksskip hafa nýtt 35,2% af aflaheimildum sínum í þorski sem er nokkuð meira en á sama tíma í fyrra þegar þau höfðu nýtt 33,2% af heimildum sínum. Nýtingarhlutfallið er einnig hærra hjá krókaaflamarksbátum á yfirstandandi fiskveiðiári. Krókaaflmarksbátar hafa nú veidd 7.344 tonn af þorski en úthlutað aflamark er 24.999 tonn. Þeir hafa því nýtt 29,4% af aflaheimildum sínum. Á sama tíma í fyrra var nýtingarhlutfallið 24,7%.
Heildarafli íslenska flotans í heild sinni í nóvember mánuði var 57.633 tonn. Þetta er nokkuð minni afli en á sama tíma í fyrra þegar aflinn var 85.678 tonn. Botnfiskaflinn var 34.812 tonn sem er 1,1% minni afli en á sama tíma í fyrra þegar aflinn var 35.209 tonn.
Á myndinni hér til hliðar má sjá nýtingarhlutfall síðastliðin þrjú fiskveiðiár, í nokkrum af okkar helstu botnfisktegundum. Um er að ræða samanlagt nýtingarhlutfall í báðum fiskveiðistjórnunarkerfunum af leyfilegum heildarafla.
Samanburður á þorsk, ýsu og ufsaafla fjóra fyrstu mánuði þriggja síðustu fiskveiðiára má sjá hér til hliðar.
Uppsjávaraflinn í desember var 22.592 tonn og samanstóð að mestu af síld, þar af 8.824 tonn úr íslenska sumargotssíldarstofninum og 7.242 tonn af norsk-íslenskri síld. Gulldepluaflinn var 6.186 tonn og er heildaraflinn nú kominn í 7.637 tonn á yfirstandandi fiskveiðiári. Í fyrra voru íslensk skip einungis búin að veiða 49 tonn en veiðarnar hófust þá fyrir alvöru í janúar mánuði. Gulldeplan er ekki kvótabundin en sérstök tilraunaveiðileyfi útgefin af sjávarútvegs- og landbúnaðarráðuneytinu þarf til veiðanna.
Afli í skel- og krabbadýrum var meiri í desember s.l. en á sama tíma í fyrra. Helst er það mun meiri úthafsrækjuafli í desember mánuði eða 115 tonn en á sama tíma í fyrra var ekkert veitt úr úthafsrækjustofnunum. Nú hafa íslensk skip veitt 1.268 tonn af úthafsrækju en í fyrra var aflinn einungis 323 tonn. Íslensk skip hafa því nýtt 18,1% af aflaheimildum sínum. Það sem vekur mesta athygli er hversu mikill humaraflinn er orðinn á yfirstandi fiskveiðiári. Alls er búið að veiða 654 tonn af humri samanborið við 188 tonn á sama tíma í fyrra. Íslensk skip hafa því nýtt 29,7% af aflaheimildum í humri.
Á yfirstandandi fiskveiðiári hafa íslensk veiðiskip nýtt svipað magn í verkefnasjóð sjávarútvegsins (vs-afli) og á síðasta fiskveiðiári. Þorskaflinn sem nýttur hefur verið í verkefnasjóðinn er nú 592 tonn en var á sama tíma í fyrra 595 tonn. Það sama á við um línuívilnun, 1.557 tonn hafa verið nýtt til línuívilnunar það sem af er fiskveiðiárs en voru 1.499 tonn á sama tíma í fyrra. Helst er að merkja breytingar í þorski eða 716 tonn samanborið við 551 tonn í fyrra.
Minna er landað af undirmálsafla en á sama tíma í fyrra eða 1.068 tonn samanborið við 1.304 tonn í fyrra. Minnkunin felst í því að mun minna er landað af undirmálsýsu nú í samanburði á fiskveiðiárunum.
Á þessari síðu má sjá frekara talnaefni um afla og nýtingu aflaheimilda á yfirstandandi fiskveiðiári
