Starfsmannastefna

Fiskistofu er ljóst að starfsfólkið er grunnurinn að góðum árangri og leggur því áherslu á:

• Markvissa starfsmannastjórnun sem tekur mið af þörfum stofnunarinnar en hlúir jafnframt að velferð starfsfólks.

• Að Fiskistofa sé og verði áhugaverður og aðlaðandi vinnustaður sem býr vel að starfsfólki, býður því samkeppnishæf starfskjör, greiðan aðgang að upplýsingum og símenntun sem stuðlar að jákvæðri starfsþróun innan stofnunarinnar.

• Að Fiskistofa sé skipuð hæfu og áhugasömu starfsfólki sem ástundar markviss og vönduð vinnubrögð, tekur sanngjarnar og skýrar ákvarðanir og sýnir ábyrgð og frumkvæði í starfi.

• Að starfsfólk sýni viðskiptavinum stofnunarinnar vinsamlegt viðmót, gæti jafnræðis og sanngirni við afgreiðslu mála og hafi næga þekkingu og upplýsingar til að geta leyst störf sín vel af hendi.

• Að Fiskistofa sé fjölskylduvænn vinnustaður og að gott samræmi sé milli vinnu og einkalífs með gagnkvæmum sveigjanleika.

• Að starfsfólkið sjálft leggi sig fram um að skapa góðan vinnustað og starfsanda þar sem vellíðan, heilbrigði og gagnkvæm virðing er höfð í fyrirrúmi.

Til að framfylgja starfsmannastefnu Fiskistofu er meðal annars gert eftirfarandi:

• Á stofnuninni er starfsmaður sem ber ábyrgð á mannauðsmálum.

• Fiskistofa hefur ítarlega starfsmannahandbók sem er endurskoðuð reglulega og er aðgengileg öllum starfsfólki á innri vef stofnunarinnar.

• Fiskistofa hefur siðareglur sem starfsfólki ber að þekkja og fara eftir.

• Vandað er til ráðninga nýrra starfsmanna.

• Fiskistofa stendur vel og skipulega að móttöku nýliða og nýliðafræðslu.

• Fiskistofa hefur skýrar starfslýsingar fyrir hvert starf og eru þær uppfærðar reglulega.

• Starfsmannasamtöl eru haldin reglulega.

• Viðhorfskannanir meðal starfsfólks Fiskistofu eru gerðar þegar þurfa þykir og sérstakt tilefni er til.

• Fiskistofa hefur virka fræðslustefnu.

• Fiskistofa reynir eftir fremsta megni að tryggja markvisst flæði upplýsinga til starfsfólks, meðal annars með því að nota innri vef á skipulegan hátt og með því að halda almenna starfsmannafundi reglulega og þegar tilefni er til

• Fiskistofa hefur skjalfesta jafnréttisstefnu.