Upplýsingasvið
Um upplýsingasvið
Upplýsingasvið annast söfnun, skráningu, úrvinnslu og dreifingu upplýsinga um afla og aflaverðmæti íslenskra skipa. Sviðið fær m.a. upplýsingar um landaðan afla frá löndunarhöfnum um aflaskráningakerfið GAFL, sem tengir flestar hafnir landsins við Fiskistofu. Starfsmenn upplýsingasviðs sjá jafnframt um gagnasöfnun og úrvinnslu gagna er varða útflutning og sölu á óunnum afla á erlenda markaði auk útgáfu veiði- og vinnsluvottorða. Á upplýsingasviði er séð um vinnslu og útreikninga við álagningu gjalds vegna ólögmæts sjávarafla.
Upplýsingar um ráðstöfun afla og aflaverðmæti berast frá kaupendum afla með s.k. vigtar- og ráðstöfunarskýrslum sem Fiskistofa sér um söfnun, innheimtu og úrvinnslu á. Gæðaprófun og samanburður á gagna fer fram á upplýsingasviði.
Önnur verkefni upplýsingasviðs eru m.a. vinnsla og miðlun ýmiss efnis um verkefni og starfsemi Fiskistofu, umsjón með vefsíðum Fiskistofu og umsjón með kynningarmálum og almannatengslum.
Upplýsingasvið sér um afgreiðslu fyrirspurna og vinnslu skýrslna er varða afla, aflaheimildir og ráðstöfun afla auk starfsskýrslu Fiskistofu.
Forstöðumaður er Helga Sigurrós Valgeirsdóttir
