Störf í boði
Forritari
Leitað er að forritara til starfa á hugbúnaðardeild Fiskistofu sem er með aðsetur að Dalshrauni 1 í Hafnarfirði. Verkefnin felast í þróun á sérsmíðuðum hugbúnaði sem m.a. lýtur að fiskveiðistjórnun og eftirliti með fiskveiðum. Verkefni hugbúnaðadeildar eru unnin í sprettum með verkbeiðnakerfið Jira til stuðnings og utanumhalds.
Verkefni:
- Forritun í Java og Oracle umhverfi
- Forritun veflausna, vefþjónusta og skyldra hugbúnaðarlausna
Menntunar- og hæfniskröfur:
- Menntun í kerfisfræði, tölvunarfræði eða skyldum greinum
- Starfsreynsla er æskileg en þó ekki skilyrði
- Geta til að starfa sjálfstætt og í hópi annarra sérfræðinga
- Skipulagshæfni og fagmennska
- Frumkvæði, góðir samstarfshæfileikar og geta til að taka á móti og miðla þekkingu
Hugbúnaðardeild sinnir hugbúnaðarþróun fyrir Hafrannsóknastofnun og Fiskistofu. Verkefni deildarinnar snúa að þróun á ýmsum sérkerfum er varða innra starf ofangreindra stofnana einkum er varða stjórnun fiskveiða, eftirlit, rannsóknir og upplýsingagjöf. Starfsemin byggir á gagnasöfnun, úrvinnslu og miðlun upplýsinga, s.s. gagnvart ýmsum ytri aðilum á sjó og í landi, í samstarfi við erlendar eftirlitsstofnanir, Landhelgisgæslu o.fl. Hugbúnaðardeild er ein af þremur deildum rekstrarsviðs og eru starfsmenn deildarinnar átta. Rekstrarsvið samanstendur einnig af fjármáladeild og kerfisdeild sem sér um rekstur tölvukerfa. Nánari upplýsingar um starfið veitir Elín Kristjana Sighvatsdóttir sviðsstjóri rekstarsviðs og Pálmi Ragnar Pétursson deildarstjóri hugbúnaðardeildar í síma 5697900.
Umsóknir með upplýsingum um menntun, fyrri störf, meðmælendur og annað sem máli kann að skipta skal senda á netfangið ingath@fiskistofa.is eða með bréfi til Fiskistofu, Dalshrauni 1B, 220 Hafnarfirði merktar „Forritari“.
Umsóknarfrestur er til og með 9. júní 2013 og gilda umsóknir í 6 mánuði frá því að umsóknarfrestur rennur út.
Laun taka mið af kjarasamningum ríkisins við viðeigandi stéttarfélag. Öllum umsóknum verður svarað þegar ákvörðun um ráðningu hefur verið tekin.
Fiskistofa er þjónustu- og eftirlitsstofnun sem annast stjórnsýsluverkefni og upplýsingaöflun á sviði sjávarútvegsmála, lax- og silungsveiði, fiskræktar, fiskeldis, hvalveiða o.fl. Um starfsemi Fiskistofu gilda lög nr. 36/1992. Nánari upplýsingar má finna á vef Fiskistofu.
Sjá nánar um starfið hér.
