Veiðivottorð

Veiðivottorð

Sótt er um aðgang að veiðivottorðakerfi í netfangið vottord@fiskistofa.is. Umsókninni þurfa að fylgja upplýsingar um nafn fyrirtækis, heimilisfang, kenntölu, netfang og símanúmer.

Fiskafurðum sem fluttar eru á markaðssvæði ESB þurfa að fylgja ólík skjöl, eftir eðli og uppruna afurðanna. Þessi skjöl eru þrenns konar:

  • Veiðivottorð: Vottorð fyrir afurðir unnar úr afla íslenskra skipa. Með þessu vottorði staðfesta íslensk stjórnvöld að aflinn hafi verið veiddur undir stjórn íslenska fiskveiðistjórnunarkerfisins. Útflytjanda á Íslandi ber að senda veiðivottorðið til innflytjanda sem kemur vottorðinu til lögbærra yfirvalda í sínu landi.
  • Vinnsluvottorð: Sé afli unninn úr afurðum erlendra skipa þarf að fylgja sérstakt vottorð staðfest af Fiskistofu þess efnis að vinnslan hafi leyfi til að vinna aflann og að veiðivottorð frá fánaríkjum skipsins hafi fylgt aflanum við innflutning. Vinnsluvottorð er að finna hér, leiðbeiningar um útfyllingu þeirra er að finna hér.
  • Staðfesting á því að afli erlendra skipa sem geymdur er á Íslandi hafi ekki verið unninn. Hér verður nýst við tollaskjöl eða svokallað E7 skjal sem Tollurinn gefur út.

Til þess að upplýsingar í vottorðunum séu réttar er mikilvægt að fiskvinnslur geti á hverjum tímapunkti vinslunnar gert grein fyrir uppruna (skipi og löndunardags.) þess hráefnis sem unnið er með.

Veiðivottorð eru ekki gefin út fyrir erlend skip. 

Vinnsluvottorð

Þegar  fiskur sem erlend skip hafa veitt (hvort heldur er í íslenskri eða erlendum lögsögu) er tekinn til vinnslu á Íslandi þarf að gefa út  vinnsluvottorð vegna útflutnings afurðanna til Evrópu og víðar.  Nauðsynlegt er að framvísa  veiðivottorði frá fánaríki fiskiskipsins.
Útfylltu vinnsluvottorði er skilað til Fiskistofu með tölvupósti á vottord@fiskistofa.is og  við munum senda árítað vottoðr til baka.  Tekið er gjald skv. gjaldskrá fyrir útgáfu vinnsluvottorða.


Tungumál síðu




banner2
Þetta vefsvæði byggir á Eplica