Frístundaveiðar

Frístundaveiðar

Á fiskveiðiárinu 2009/2010 var lögfest heimild til frístundaveiða og eru þær háðar sérstöku leyfi Fiskistofu. Slík leyfi eru ætluð fyrir aðila í ferðaþjónustu og skiptast í tvo flokka. Annars vegar er um að ræða frístundaveiðar án aflaheimilda og hins vegar frístundaveiðar með aflamarki. Frístundaveiðar er eingöngu heimilt að stunda með sjóstöng og handfærum án sjálfvirkni búnaðar.

Sé leyfi veitt til frístundaveiða án aflaheimilda tekur fjöldi fiska og handfæra/sjóstanga mið af fjölda farþega sem bátur tekur, án þess að aflinn reiknist til aflamarks. Aflann má þá ekki selja eða fénýta á annan hátt. Á fiskveiðiárinu 2018/2019 voru 12 bátar með slíkt leyfi. Til þess að fá slíkt leyfi þarf viðkomandi útgerð að hafa ferðaskipuleggjandaleyfi frá Ferðamálastofu.

Tegundaskipting afla í frístundaveiðum með aflamarki 2018/2019

Hægt er að sækja um og fá gegn greiðslu sérstakan kvóta í þorski, ufsa og steinbít fyrir báta með leyfi til frístundaveiða með aflamarki. Jafnframt geta útgerðir báta ákveðið að nýta eigið aflamark til veiðanna. Í þessum flokki voru 37 bátar sem lönduðu alls 346 tonnum á fiskveiðiárinu. Lang mest var af þorski eða 313 tonn (90%) og 26 tonn af steinbít. Þetta er  talsvert meiri afli en á síðasta ári.

Áður var mestum frístundaafla landað í Bolungarvík en síðastliðin ár hafa fengsælustu frístundabátarnir verið gerðir út frá Súðavík en þar var landað 151 tonnum á liðnu fiskveiðiári. 

Afli í frístundaveiðum með aflamarki eftir höfnum og fiskveiðiárum

Nokkuð er um að opinber sjóstangveiðimót séu haldin hérlendis. Á síðasta fiskveiðiári voru þau 15 talsins. Samkvæmt aflaskráningarkerfi Fiskistofu var heildaraflinn tæp 118 tonn.

 Ýmsar takmarkanir eru á slíku mótshaldi og þurfa félög sem hyggja á sjóstangveiðimót að sækja um það til Fiskistofu sem auglýsir eftir umsóknum einu sinni á ári.

Frístundaafli eftir höfnum




Finna skip

Tungumál síðu




banner5
Þetta vefsvæði byggir á Eplica