Tilkynningar

Bann við dragnót fellt úr gildi víða

Tímabundið ákvæði um bann við veiðar með dragnót falla úr gildi á nokkrum svæðum fyrir Norðvesturlandi og út af Austfjörðum

31.10.2017

Frá og með 1. nóvember falla úr gildi tímabundin ákvæði um bann við veiðum með dragnót á nokkrum svæðum fyrir Norðvesturlandi og út af Austfjörðum. Umrædd ákvæði voru sett á árunum 2010 til 2013. Ákvæðin sem falla úr gildi er að finna í eftirtöldum reglugerðum:

 

  • Ákvæði til bráðabirgða í reglugerð nr. 1062/2013, um bann við dragnótaveiðum í fjörðum  Vestfjarða og út af Ströndum með síðari breytingum:

Allar veiðar með dragnót eru bannaðar innan svæðis sem markast af línu sem dregin er milli Rana í Hornbjargi 66°27,3´N - 022°24,1´V í Selsker 66°07,5´N - 021°30,0´V og þaðan í Gjögurvita 65°59,3´N - 021°19,0´V til og með 31. október 2017.

 

  • 1. gr. reglugerðar nr. 780/2015, um bann við dragnótaveiðum fyrir Norðurlandi með síðari breytingum:

Til og með 31. október 2017 eru allar dragnótaveiðar bannaðar á eftirgreindum svæðum:

1. Húnafjörður innan svæðis sem markast af línum sem dregnar eru á milli Sölvabakka 65°42,5´N - 020°16,5´V, norðurenda Fáskrúðsskers 65°42,5´N - 020°42,8´V og þaðan í 180° réttvísandi til lands.

2. Skagafjörður innan svæðis sem markast af línu sem dregin er á milli Ásnefs 65°56,5´N - 019°53,0´V og Þórðarhöfða 65°58,4´N - 019°29,7´V.

3. Hrútafjörður - Miðfjörður innan svæðis sem markast af línu sem dregin er þvert yfir utanverðan Hrútafjörð og Miðfjörð eftir 65°26´N.


Þrátt fyrir ákvæði 1. ml. er vesturhluti Hrútafjarðar opinn fyrir veiðum með dragnót vestan línu sem dregin er eftir 21°08´V, frá og með 1. júní til 1. mars utan línu sem dregin er eftir 65°23´N og frá og með 1. nóvember til og með 31. janúar utan línu sem dregin er eftir 65°21´50 N og vestan línu sem dregin er eftir 21°08´V. Miðfjörður er opinn fyrir veiðum með dragnót utan línu sem dregin er eftir 65°23´N á tímabilinu frá og með 1. júní til 1. mars.

4. Húnaflói - veiðar eru bannaðar skipum lengri en 22 m að mestu lengd innan línu sem dregin er eftir 66°00´N þvert yfir Húnaflóa.
Þrátt fyrir ákvæði 1. mgr. eru skipum lengri en 22 metrar sem stundað hafa veiðar með dragnót í Húnaflóa á síðastliðnum þremur árum heimilar veiðar innan fyrrgreindrar línu.

5. Úti fyrir Ströndum innan svæðis sem markast af línu sem dregin er milli Rana í Hornbjargi 66°27,3´N - 022°24,1´V í Selsker 66°07,5´N - 021°30,0´V og þaðan í Gjögurvita 65°59,3´N - 021°19,0´V.

 

  • Ákvæði til bráðabirgða í reglugerð nr. 1063/2013, um dragnótaveiðar fyrir Norðausturlandi og Austfjörðum með síðari breytingum:

Allar dragnótaveiðar eru bannaðar úti fyrir Skálaneshlíð til og með 31. október 2017 innan svæðis sem markast af línum sem dregnar eru milli eftirgreindra þriggja punkta:

a.      65°19,954´N - 013°43,330´V, (Borgarnes).

b.      65°18,000´N - 013°34,500´V.

c.       65°16,195´N - 013°34,500´V.

Þrátt fyrir ákvæði 1. mgr. eru veiðar með dragnót heimilar á tímabilinu frá og með 1. október til og með 30. nóvember.


Finna skip

Tungumál síðu




banner4
Þetta vefsvæði byggir á Eplica