Byggðakvóti 2019/2020 (IV)
Umsóknarfrestur er til og með 4. júní 2020
20.5.2020
Fiskistofa auglýsir eftir umsóknum um byggðakvóta til fiskiskipa skv. ákvæðum reglugerðar nr. 676/2019 um úthlutun byggðakvóta til fiskiskipa á fiskveiðiárinu 2019/2020. Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 463/2020 í Stjórnartíðindum.
Auglýst er eftir umsóknum fyrir:
Tálknafjörð
Ísafjarðarbæ (Þingeyri, Flateyri, Suðureyri, Hnífsdal og Ísafjörð)
Súðavíkurhrepp (Súðavík)
Fjallabyggð (Siglufjörð og Ólafsfjörð)
Akureyrarkaupstað (Grímsey og Hrísey)
Dalvíkurbyggð (Dalvík, Árskógssand og Hauganes)
Umsóknargátt fyrir byggðakvóta
Eyðublað fyrir staðfestingu á vinnslusamning
Leiðbeiningar:
Sækja skal um byggðakvóta í gegnum gáttina hér að ofan. Til þess að opna umsóknareyðublaðið þarf að nota kennitölu og íslykil útgerðarinnar. Fylla skal út allar upplýsingar sem beðið er um.
Staðfesting á samningi um vinnslu afla skal vera undirritaður og staðfestur af sveitarfélagi.
Staðfestingu á vinnslusamningi skal skila sem fylgiskjali í umsóknargátt á sama tíma og sótt er um byggðakvóta.
Vakin skal athygli á því að umsóknin telst ekki gild nema samningur um vinnslu fylgi þar sem við á.
Umsókn og vinnslusamning er skilað í gegnum rafrænu umsóknargáttina.
Umsóknarfrestur er til og með 4. júní 2020
