Tilkynningar

Jöfnum skiptum í makríl hafnað

1.10.2019

Fiskistofa hefur á undanförnum dögum synjað fjölmörgum beiðnum um millifræslur í makríl þar sem jöfn skipti á makríl og botnfiski komu við sögu.

Stofnunin telur að flutningur sé óheimill þegar útgerð krókaaflamarksbáts sem hefur makrílheimildir í A-flokki hyggst láta af hendi heimildir í botnfiski í krókaaflamarki í skiptum fyrir makríl til aflamarksskips sem býr yfir makrílheimildum í B-flokki. Það er meginregla að aflamark í krókaaflamarkskerfinu verður ekki flutt í aflamarkskerfið.

Fiskistofa hefur nú lokið skoðun á óafgreiddum og óstaðfestum beiðnum um millifærslur í makríl og tekið afstöðu til þeirra. Fáeinar millifærslur þar sem makríll kom við sögu og staðfestar voru af Fiskistofu í kringum mánaðamótin eru nú til skoðunar og  íhugar stofnunin  að afturkalla staðfestingu á þeim færslum í samræmi við  stjórnsýslulög.

Afstaða og vinna Fiskistofu í þessu  máli hefur byggst á leiðbeiningu sem fram kom í bréfi  atvinnuvega- og nýsköpnarráðuneytisins sem barst Fiskistofu 20. september sl.

Bréf atvinnuvega- og nýsköpunarráðuneytis til Fiskistofu 20. sept. 2019

 


Finna skip

Tungumál síðu




banner6
Þetta vefsvæði byggir á Eplica