Tilkynningar

Opnað fyrir umsóknir um viðbótarúthlutun í makríl

26.7.2019

Opnað hefur verið fyrir umsóknir um úthlutun um viðbótarheimild í makríl skv. reglugerð nr. 606/2019 um ráðstöfun 4.000 lesta af viðbótaraflaheimildum í makríl. Fiskistofa bendir á að föstudagur er síðasti dagur til að sækja um veiðiheimildir í makríl sem úthlutað verður í næstu viku. Sækja þarf um í dag ef óskað er eftir úthlutun í næstu viku.

Greiða skjal gjald fyrir úthlutaðar heimildir sem nemur 3,55 kr/kg og hámarksúthlutun er 35 tonn.

Eyðublað fyrir umsókn um úthlutun


Nánari upplýsingar um þær reglur sem gilda:

Samkvæmt reglugerðinni er viðbótarúthlutun fyrir báta sem ætlunin er að stundi makrílaveiðar með línu og handfæri.

Bátar þurfa að uppfylla eftirfarandi skilyrði þegar viðbótarúthlutun er framkvæmd:

  • Skipið sé í B-flokki makrílveiða
  • Báturinn hafi veitt 80% af úthlutuðu aflamarki sínu
  • Báturinn hafi veitt 80% af úthlutuðum viðbótaraflaheimildum
  • Báturinn hafi leyfi til veiða í atvinnuskyni.

 

Svona fer viðbótarúthlutun fram:

  • Heimilt er að úthluta allt að 35 lestum í senn á hvern bát
  • Gjald fyrir viðbótarúthlutun er 3,55 kr/kg (að auki verður veiðigjald innheimt síðar eins og fyrir annan afla í samræmi við reglur þar að lútandi)
  • Úthlutað verður vikulega á meðan viðbótaraflaheimildum er óráðstafað
  • Umsóknir þurfa að berast fyrir lok föstudags
  • Umsóknir eru afgreiddar fyrsta virka dag vikunnar eftir og greiðsluseðlar sendir í heimabanka. Greiða þarf fyrir viðbótaraflaheimildina fyrir lok annars virka dags vikunnar.
  • Úthlutunin fer fram í kjölfarið.
  • Viðbótaraflaheimildir eru óframseljanlegar

 

Úthlutun fer fram vikulega:

  • Umsóknarfrestur er til loka föstudags
  • Greiðsluseðlar eru sendir út á mánudögum og greiða þarf í heimabanka fyrir fengna úthlutun fyrir lok þriðjudags.
  • Viðbótarúthlutun skráist á skip á miðvikudegi

 

Eyðublað fyrir umsóknum úthlutun

Umsóknin sendist á fiskistofa@fiskistofa.is

 

Hér er tengill á reglugerð



Finna skip

Tungumál síðu




banner4
Þetta vefsvæði byggir á Eplica