Tilkynningar

Skipti á aflamarki - tilboð óskast

9.7.2019

Samkvæmt 5. gr. reglugerðar nr. 674/2018, um veiðar í atvinnuskyni fiskveiðiárið 2018/2019, með síðari breytingum, auglýsir Fiskistofa eftir tilboðum í skipti á aflamarki.

Í boði er neðangreint aflamark, í tilgreindri tegund, í skiptum fyrir aflamark í þorski. Við mat á tilboðum er stuðst við meðalverð aflamarks síðasta mánaðar. Viðmiðunarverð síðasta mánaðar: þorskur 224,5 kr/kg.

Hægt erað bjóða aflamark næsta árs að þessu sinni

Athugið að þar sem langt er liðið á fiskveiðiárið og farið að þrengjast um aflamark er að þessu sinni heimilt að bjóða fram þorskaflamark fiskveiðiársins 2019/2020 í skiptum fyrir makríl, enda búi viðkomandi skip yfir þorskhlutdeildum sem ætla má að skili nægu aflamarki í upphafi fiskveiðiársins til að standa við tilboðið. 

Óski tilboðsgjafar eftir að nýta sér þennan möguleika þurfa þeir að skila inn í tölvupósti á fiskistofa@fiskistofa.is áður en  tilboðsfrestur rennur út yfirlýsingu um að tilboð það sem þeir gerðu í Ugga gildi þannig að aflamarkið í þorski sem boðið er skuli dragast af aflamarksúthutun 2019/2020. Fiskistofa  mun ekki samþykkja slík tilboð ef áhöld eru um að aflamark í þorski 2019/2020  standi undir tilboðinu.

Tilboðsmarkaðurinn opnar klukkan 8:00 miðvikudaginn 10. júlí 2019. Ekki er gerð krafa um lágmarkstilboð.

Athugið að samkvæmt gjaldskrá Fiskistofu  ber að greiða 12.900 krónur fyrir hverja úthlutun aflaheimilda á tilboðsmarkaði. Þannig ber tilboðsgjafa að greiða þá upphæð fyrir hvert tilboð sem tekið er að fullu eða að hluta.

Fisktegund Þíg Aflamark  
Makríll 0,22 7.432.720 kg

Eingöngu er unnt að gera tilboð í gegnum UGGA, upplýsingagátt Fiskistofu. Tilboðsmarkaðinn má finna undir Umsóknir/Þjónusta. Vakin er athygli á að Ugginn sendir sjálfkrafa staðfestingu um móttöku tilboðs.

Afturköllun tilboða eftir að umsóknarfrestur er runninn út er ómheimil. Að gefnu tilefni er rétt að benda bjóðendum á að skv. 3. mgr. 5. gr. reglugerðar 630/2017 sem fjallar um þennan tilboðsmarkað, eru það eingöngu bjóðendur, ekki Fiskistofa, sem er heimilt að afturkalla tilboð svo lengi sem þeir gera það áður en tilboðsfrestur er liðinn. Því er mikilvægt að yfirfara tilboð vel áður en því er skilað og skoða tilboðið undir „Málin mín“ í UGGA eftir að tilboðinu hefur verið skilað til að tryggja að allt sé rétt. Ef mistök hafa átt sér stað við tilboðsgerð þá getur bjóðandi afturkallað tilboðið í UGGA allt þar til tilboðsfrestur rennur út.

Frestur til að skila tilboðum er til kl. 16:00 miðvikudaginn 17. júlí 2019.


Finna skip

Tungumál síðu




banner3
Þetta vefsvæði byggir á Eplica