Tilkynningar

Skipti á aflamarki - tilboð óskast

18.7.2017

Á grundvelli 5. gr. reglugerðar nr. 630/2016, um veiðar í atvinnuskyni fiskveiðiárið 2016/2017, með síðari breytingum, auglýsir Fiskistofa eftir tilboðum í skipti á aflamarki.

Í boði er neðangreint aflamark, í tilgreindri tegund, í skiptum fyrir aflamark í ýsu og/eða ufsa. Við mat tilboða er stuðst við meðalverð aflamarks síðasta mánaðar. Viðmiðunarverð síðasta mánaðar: ýsa 158,77 kr/kg og ufsi 28,73 kr/kg.

Ekki er hægt að nota þorsk til skipta

Vegna tæknilegra vandamála í UGGA kemur fram reitur til að bjóða þorsk í skiptum á þessum tilboðsmarkaði. Ekki skal skrá neitt í þann reit.  Öllum tilboðum þar sem þorskur er boðinn verður hafnað.

Tilboðsmarkaðurinn opnar klukkan 8:00 miðvikudaginn 19. júlí 2017. Ekki er gerð krafa um lágmarkstilboð.

Athugið að samkvæmt gjaldskrá Fiskistofuber að greiða 12.200 krónur fyrir hverja úthlutun aflaheimilda á tilboðsmarkaði. Þannig ber tilboðsgjafa að greiða þá upphæð fyrir hvert tilboð sem tekið er að fullu eða að hluta.

Fisktegund Þíg Aflamark
Steinbítur 0,64 917.095 kg

Eingöngu er unnt að gera tilboð í gegnum UGGA, upplýsingagátt Fiskistofu. Tilboðasmarkaðinn má finna undir Umsóknir/Þjónusta. Vakin er athygli á að Ugginn sendir sjálfkrafa staðfestingu um móttöku tilboðs.

Afturköllun tilboða eftir að umsóknarfrestur er runninn út er ómheimil

Að gefnu tilefni er rétt að benda bjóðendum á að skv. 3. mgr. 5. gr. reglugerðar 630/2017 sem fjallar um þennan tilboðsmarkað, eru það eingöngu bjóðendur, ekki Fiskistofa, sem er heimilt að afturkalla tilboð svo lengi sem þeir gera það áður en tilboðsfrestur er liðinn. Því er mikilvægt að yfirfara tilboð vel aður en því er skilað og skoða tilboðið undir „Málin mín“ í UGGA eftir að tilboðinu hefur verið skilað til að tryggja að allt sé rétt. Ef mistök hafa átt sér stað við tilboðsgerð þá getur bjóðandi afturkallað tilboðið í UGGA allt þar til tilboðsfrestur rennur út.

Frestur til að skila tilboðum er til kl. 16:00 miðvikudaginn 26. júlí 2017.


Finna skip

Tungumál síðu




banner5
Þetta vefsvæði byggir á Eplica