Tilkynningar

Skipti á aflamarki - tilboð óskast

9.1.2020

Samkvæmt 5. gr. reglugerðar nr. 674/2019, um veiðar í atvinnuskyni fiskveiðiárið 2019/2020, með síðari breytingum, auglýsir Fiskistofa eftir tilboðum í skipti á aflamarki.

Í boði er neðangreint aflamark, í tilgreindum tegundum, í skiptum fyrir aflamark í þorski. Við mat á tilboðum er stuðst við meðalverð aflamarks síðasta mánaðar.

Viðmiðunarverð síðasta mánaðar: þorskur 276,13 kr/kg.

Tilboðsmarkaðurinn opnar klukkan 8:00 föstudaginn 10. janúar 2020. Ekki er gerð krafa um lágmarkstilboð.

Athugið að samkvæmt gjaldskrá Fiskistofu ber að greiða 12.900 krónur fyrir hverja úthlutun aflaheimilda á tilboðsmarkaði. Þannig ber tilboðsgjafa að greiða þá upphæð fyrir hvert tilboð sem tekið er að fullu eða að hluta.

Fisktegund Þíg Aflamark  
Ufsi 0,55 420.138 kg
Blálanga 0,65   20.479 kg
Skötuselur 1,81   20.416 kg
Gulllax 0,39 483.572 kg
Grálúða 2,27 587.412 kg
Langlúra 0,59   52.027 kg
Sandkoli 0,27   19.455 kg
Skrápflúra 0,37       731 kg
Kolmunni
0,09
    9.992
tonn
Norsk-íslensk síld
0,15
    4.042
tonn
Úthafsrækja 1,24 248.146 kg
Arnarfjarðarrækja
1,09
  10.441
kg
Litli karfi 0,35   36.941 kg

 

Eingöngu er unnt að gera tilboð í gegnum UGGA, upplýsingagátt Fiskistofu. Tilboðasmarkaðinn má finna undir Umsóknir/Þjónusta. Vakin er athygli á að Ugginn sendir sjálfkrafa staðfestingu um móttöku tilboðs.

Afturköllun tilboða eftir að umsóknarfrestur er runninn út er óheimil. Að gefnu tilefni er rétt að benda bjóðendum á að skv. 3. mgr. 5. gr. reglugerðar 630/2017 sem fjallar um þennan tilboðsmarkað, eru það eingöngu bjóðendur, ekki Fiskistofa, sem er heimilt að afturkalla tilboð svo lengi sem þeir gera það áður en tilboðsfrestur er liðinn. Því er mikilvægt að yfirfara tilboð vel áður en því er skilað og skoða tilboðið undir „Málin mín“ í UGGA eftir að tilboðinu hefur verið skilað til að tryggja að allt sé rétt. Ef mistök hafa átt sér stað við tilboðsgerð þá getur bjóðandi afturkallað tilboðið í UGGA allt þar til tilboðsfrestur rennur út.

Frestur til að skila tilboðum er til kl. 16:00 föstudaginn 17. janúar 2020.


Finna skip

Tungumál síðu




banner2
Þetta vefsvæði byggir á Eplica