Úthlutun byggðakvóta 2018/2019 (I)

Umsóknarfrestur fyrir neðangreind byggðarlög er til og með 14. febrúar 2019

28.1.2019

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. ákvæðum reglugerðar nr. 685/2018 um úthlutun byggðakvóta til fiskiskipa á fiskveiðiárinu 2018/2019.

Auk reglugerðarinnar er vísað til sérstakra úthlutunarreglna í neðanskráðum byggðarlögum, sbr. auglýsingu  nr. 31/2019 í Stjórnartíðindum.

• Árborg (Stokkseyri, Eyrarbakki)
• Suðurnesjabær (Sandgerði og Garður)
• Skagaströnd, Norðurþing (Raufarhöfn og Kópasker)
• Langanesbyggð (Bakkafjörður og Þórshöfn)
• Hornafjörður
• Snæfellsbær (Arnarstapi, Hellissandur, Rif og Ólafsvík) og 
• Blönduós

Eftirfarandi sveitarfélög hafa ákveðið að byggðakvóta skuli úthlutað samkvæmt reglugerð ráðuneytisins nr. 685/2018 (þ.e. engar sérreglur):

• Borgarfjarðarhreppur (Borgarfjörður eystri)
• Djúpavogshreppur (Djúpivogur)
• Akureyrarbær (Grímsey og Hrísey)
• Grundarfjarðarbær (Grundarfjörður)

Umsóknargátt fyrir byggðakvóta

Eyðublað fyrir samning við vinnslu

Leiðbeiningar:

Sækja skal um byggðakvóta í gegnum gáttina  hér að ofan.  Til þess að opna umsóknareyðublaðið þarf að nota kennitölu og íslykil  útgerðarinnar. Fylla skal út allar upplýsingar sem beðið er um.

Samningur um vinnslu afla skal vera undirritaður og staðfestur af sveitarfélagi.

Senda skal vinnslusamninginn á byggdakvoti@fiskistofa.is
Umsækjendur eiga þá að fá sjáflvirka svarsendingu með staðfestingu á móttöku vinnslusamningsins.

Vakin skal athygli á því að umsóknin telst ekki gild nema samningur um vinnslu fylgi. Samningum þarf að skila áður en umsóknarfrestur  er liðinn.  

Nánari upplýsingar 

Umsókn er skilað í gegnum rafrænu umsóknargáttina.  Vinnslusamningi skal skila í tölvupósti á byggdakvoti@fiskistofa.is

Umsóknarfrestur er til og með 14. febrúar 2019