Tilkynningar

Viðbótarúthlutun í makríl

4.8.2017

Fiskistofa bendir á að í dag, föstudag 4.ágúst, er síðasti dagur til að sækja um veiðiheimildir í makríl sem úthlutað verður í næstu viku.

Greiða skjal gjald fyrir úthlutaðar heimildir sem nemur 2,78 kr/kg og hámarksúthlutun er 35 tonn.

Eyðublað fyrir umsókn um úthlutun

 

Bátar sem ekki hafa fengið úthlutun byggða á veiðireynslu og sækja um sérstaka úthlutun skulu hafa sérstakt veiðileyfi.

Umsókn um leyfi til makrílveiða fyrir báta sem eingöngu fá viðbótarúthlutun

Aðrir skulu sækja um veiðileyfi í Ugga .

Verð veiðileyfis er 22.000 kr.

Umsóknir skulu sendar á fiskistofa@fiskistofa.is.

 

Nánari upplýsingar um þær reglur sem gilda:

Atvinnuvega- og nýsköpunarráðuneytið hefur gefið út reglugerð nr. 696/2017 um ráðstöfun 2.000 tonna viðbótaraflaheimilda í makríl á árinu 2017.

Á grundvelli hennar er hægt að sækja um viðbótarúthlutun fyrir báta sem ætlunin er að stundi makrílaveiðar með línu og handfæri.

Bátar þurfa að uppfylla eftirfarandi skilyrði fyrir viðbótarúthlutun:

  • Línu- og handfærabátur styttri en 15 metrar og minni en 30 brúttótonn
  • Báturinn hafi veitt 80% af úthlutuðum aflaheimildum sínum eða hafi fengið úthlutun undir 27 lestum eða hafi ekki fengið úthlutun.
  • Báturinn hafi veitt 80% af úthlutuðum viðbótaraflaheimildum skv. reglugerð 696/2017 um ráðstöfun 2.000 tonna viðbótaraflaheimilda í makríl á árinu 2017.
  • Báturinn hafi veiðileyfi með aflamarki eða krókaaflamarki.
  • Makrílveiðileyfi þarf til að stunda makrílveiðar og kostar slíkt leyfi 22 þúsund kr. Aðeins bátar sem ekki hafa gilt veiðileyfi þurfa að sækja um.

 

Svona fer viðbótarúthlutun fram:

  • Heimilt er að úthluta allt að 35 lestum í senn á hvern bát
  • Gjald fyrir viðbótarúthlutun er 2,78 kr/kg til 1. september en þá hækkar gjaldið í 3,27 kr/kg (að auki verður veiðigjald innheimt síðar eins og fyrir annan afla í samræmi við reglur þar að lútandi)
  • Úthlutað verður vikulega á meðan viðbótaraflaheimildum er óráðstafað
  • Umsóknir þurfa að berast fyrir lok föstudags
  • Umsóknir eru afgreiddar fyrsta virka dag vikunnar eftir og greiðsluseðlar sendir í heimabanka. Greiða þarf fyrir viðbótaraflaheimildina fyrir lok annars virka dags vikunnar.
  • Úthlutunin fer fram í kjölfarið.
  • Viðbótaraflaheimildir eru óframseljanlegar

 

Úthlutun fer fram vikulega:

  • Umsóknarfrestur er til loka föstudags
  • Greiðsluseðlar eru sendir út á mánudögum og greiða þarf í heimabanka fyrir fengna úthlutun fyrir lok þriðjudags.
  • Viðbótarúthlutun skráist á skip á miðvikudeginum

 

Eyðublað fyrir umsókn um úthlutun

Umsóknin sendist á fiskistofa@fiskistofa.is

Bátar sem ekki hafa gilt veiðileyfi í makríl en fengu úthlutun byggt á veiðireynslu skv. reglugerð nr. 295/2017 skulu sækja um veiðileyfi í UGGA upplýsingagátt Fiskistofu.

Bátar sem ekki hafa fengið úthlutun byggða á veiðireynslu og sækja um sérstaka úthlutun skulu sækja um makrílveiðileyfi  á eftirfarandi eyðublaði og senda á fiskistofa@fiskistofa.is

Umsókn um leyfi til makrílveiða fyrir báta sem eingöngu fá viðbótarúthlutun





Finna skip

Tungumál síðu




banner1
Þetta vefsvæði byggir á Eplica