Fara beint í efnið

Strandveiðileyfi

Umsókn um veiðileyfi - einyrkjar & prókúruhafar

Opið er fyrir umsóknir um strandveiðileyfi.

Reglugerð um strandveiðar árið 2023 gildir um veiðarnar.

Leiðbeiningar:

- Einstaklingur sem er skráður útgerðaraðili eða prókúruhafi útgerðaraðila sækir um leyfið í gegnum stafrænt umsóknarkerfi á Ísland.is með því að smella á bláa hnappinn hér að ofan.

- Greitt er fyrir leyfið í umsóknarferlinu og hægt er að fá leyfið útgefið samstundis eða velja aðra upphafs dagsetningu. Veitt leyfi er sent í pósthólf viðkomandi á Ísland.is.

- Hægt er að fá frekari upplýsingar um umsóknarferlið með því að senda tölvupóst á fiskistofa@fiskistofa.is.

Ekki er heimilt að stunda veiðar á grundvelli annarra leyfa á meðan strandveiðileyfið er í gildi.

Skilyrði

  • Haffæri skipsins sem sótt er um leyfi fyrir verður að vera í gildi á umsóknar- og gildistökudegi veiðileyfisins sem sótt er um. Samgöngustofa sér um útgáfu haffæriskírteina.

  • Fiskistofu er einungis heimilt að veita hverri útgerð eða eiganda skips leyfi til strandveiða fyrir eitt skip.

  • Eigandi fiskiskips skal vera lögskráður á skipið. Þegar fiskiskip er í eigu lögaðila er fullnægjandi ef einn eigenda lögaðilans er lögskráður á skipið.

  • Fiskistofu er ekki heimilt að gefa út strandveiðileyfi til skips hafi aflamark í þorskígildum talið, umfram það aflamark sem flutt hefur verið til skips, verið flutt frá skipinu. Frá því að sótt er um strandveiðileyfi er ekki heimilt að fara yfir þessi viðmið.

  • Leyfið er veitt á því svæði þar sem heimilisfesti útgerðar viðkomandi fiskiskips er skráð, samkvæmt þjóðskrá eða fyrirtækjaskrá ríkisskattstjóra, og skal öllum afla fiskiskips landað í lönd-unarhöfnum þess landsvæðis.

  • Ekki er hægt að sækja um strandveiðileyfi fyrir s.k. „þróunarsjóðsbáta“.

Umsóknir 

Sótt er um strandveiðileyfi í gegnum Ísland.is með því að smella á bláa hnappinn hér fyrir ofan. Prókúruhafar / einyrkjar skrá sig inn með sínum rafrænu skilríkjum og greiða fyrir leyfið í umsóknarferlinu. Þegar leyfið hefur verið veitt er það aðgengilegt í stafrænu pósthólfi útgerðaraðila á Ísland.is

Leyfið kostar 22.000 krónur, samhliða innheimtir Fiskistofa strandveiðigjald sem er 50.000 krónur

Greitt er með greiðslukorti í umsóknarferli og kostar leyfið í heild sinni 72.000 krónur

Umsókn um veiðileyfi - einyrkjar & prókúruhafar

Þjónustuaðili

Fiski­stofa