Veiðigjöld

Greiða þarf veiðigjöld af öllum lönduðum afla.  

Skráðir eigendur íslenskra fiskiskipa sem stunda veiðar á nytjastofnum sjávar greiða ákveðna krónutölu fyrir hvert kílógramm óslægðs afla. Séu eigendur fleiri en einn, bera þeir allir sömu ábyrgð á greiðslu gjaldsins. 

Í hvað fara veiðigjöldin 

Fiskistofa leggur veiðigjöldin á aflann og tekjurnar renna í ríkissjóð. 

Tekjurnar eru notaðar til að mæta kostnaði ríkisins við rannsóknir, stjórn, eftirlit og umsjón með fiskveiðum og fiskvinnslu. Veiðigjöld tryggja þjóðinni hlutdeild í afkomu við veiðar á nytjastofnum sjávar. 

Upphæðir  

Fyrir 1.desember ár hvert  gerir Ríkisskattstjóri tillögu um fjárhæð veiðigjalds hvers nytjastofns fyrir komandi veiðigjaldsár. Ráðherra sem fer með sjávarútvegsmál auglýsir gjaldið fyrir áramót. 

Gjalddagar 

• Gjalddagi veiðigjalda er 1. hvers mánaðar vegna veiða þarsíðasta mánaðar.  

• Eindagi er 15. hvers mánaðar.   

Ef krafa er ógreidd eftir eindaga reiknast dráttavextir frá gjalddaga. Sé veiðigjald ekki greitt innan mánaðar frá gjalddaga fellir Fiskistofa almennt veiðileyfi hlutaðeigandi skips niður.  Kröfum um greiðslu veiðigjalds fylgir lögveð ríkissjóðs í hlutaðeigandi skipi í fjögur ár frá gjalddaga.