Fréttir

Íshlutfall við endurvigtun í janúar til mars

28.4.2021

Fiskistofa birtir hér niðurstöður vigtunar (íshlutfall) hjá þeim endurvigtunarleyfishöfum sem stofnunin viðhafði eftirlit með á tímabilinu 1. janúar – 31. mars 2021.

Taflan hér að neðan sýnir samanburð á  vegnu meðalíshlutfalli hvers vigtunarleyfishafa þegar eftirlitsmaður var ekki á vettvangi og íshlutfallinu þegar eftirlit var haft með vigtuninni. Vegið meðalíshlutfall er íshlutfall vigtunar þegar tekið er tillit til magns í viðkomandi löndum. Þessi tala er borin saman við íshlutfallið þegar eftirlitsmaður er viðstaddur endurvigtun og mismunurinn í prósentustigum er birtur. 

Ástæður breytilegs íshlutfalls geta verið margvíslegar. Það er hlutverk Fiskistofu að hafa eftirlit með að vigtun á sjávarafla sé rétt. Vigtunarleyfishafar eru flokkaðir eftir áhættumati og eftirlit skipulagt út frá því. Tilgangurinn er að reyna að beina eftirliti stofnunarinnar þangað sem þörfin er fyrir það. Upplýsingar um niðurstöður allrar endurvigtunar afla eru aðgengilegar á vef Fiskistofu undir löndun viðkomandi skips.


Klikkið á myndina til að stækka

 

Skýringar: 

Blaðsíðutölin á myndinni vísa á gögn um viðkomandi landanir og endurvigtanir í skjalinu hér að neðan. 

Feitletruðu hlutfallstölurnar sýna í prósentustigum mismuninn á íshlutfalli í aflanum við endurvigtun að viðstöddum eftirlitsmanni í samanburði við meðalísmagn í öllum afla viðkomandi skips sem aðili  vigtaði á tímabilinu án viðveru eftirlitsmanns. Mismunurinn  birtist í prósentustigum.

Svo dæmi sé tekið er efst á listanum aðili þar sem íshlutfallið í aflanum  var að meðaltali 31,93% en við yfirstöðu eftirlitsmanns reyndist ísinn 22,93%.  Mismunurinn er því 9 prósentustigum lægri við eftirlit en það var í aflanum að jafnaði á tímabilinu.

 

Grunngögn um hlutfall kælimiðils hjá vigtunarleyfishöfunum

Í gögnunum eru þær vigtanir þar sem eftirlitsmenn hafa verið viðstaddir auðkenndar með rauðum lit en aðrar vigtanir eru sýndar bláar.

Til baka Senda grein

Finna skip

Tungumál síðu




banner5
Þetta vefsvæði byggir á Eplica