Álagning veiðigjalda
Fiskistofa hefur tekið saman upplýsingar um álagningu veiðigjalda vegna fiskveiðiáranna 2012/2013, 2013/2014 og 2014/2015. Álagningu vegna áranna 2012/2013 og 2013/2014 er nú lokið en eingöngu fyrsti hluti álagningar vegna fiskveiðiársins 2014/2015 hefur farið fram. Mikilvægt er því að lesendur athugi að þær tölur eru ekki sambærilegar við tölur yfir álagningu á hinum fiskveiðiárunum.
Heildarálagning almennra og sérstakra veiðigjalda fiskveiðiárið 2012/2013 nam 12,8 milljörðum kr.
Heildarálagning almennra og sérstakra veiðigjalda fiskveiðiárið 2013/2014 nam 9,2 milljörðum kr.
Álagning við upphaf fiskveiðiárs 2014/2015 nemur 4,1 milljarði kr. Síðar verða lögð á veiðigjöld vegna úthlutaðs aflamarks í deilistofnum og vegna afla í ókvótabundnum tegundum. Lokaálagning fer fram eftir lok fiskveiðiársins haustið 2015.
Fiskistofa birtir margvíslegar upplýsingar um álögð veiðigjöld. Meðal annars hefur atvinnuvega- og nýsköpunarráðuneytið mælt fyrir um birtingu á álagningu á veiðigjöldum á einstaka greiðendur. Slíkar upplýsingar og fleira er að finna á eftirfarandi síðu:
Upplýsingasíða Fiskistofu um veiðigjöld
