Fréttir

Umframafli á strandveiðum í tíundu viku

15.7.2021

Leyfi til strandveiða hafa verið gefin út til 678 báta og var landaður afli strandveiðibáta í gær, miðvikudaginn 14. júlí samtals 7.423.129 kg., sem er 64.13% af þeim heimildum (11.100 tonn) sem úthlutað er til strandveiða á fiskveiðiárinu 2020/2021.

Á strandveiðum má hver bátur landa að hámarki 650 kg. af slægðum afla í þorskígildum talið í hverri veiðiferð. Í 10. viku strandveiða frá 5. júlí - 9. júlí lönduðu 246 skip afla umfram leyfilegan heildarafla í veiðiferð, samtals 14.581 kg.

Meðfylgjandi myndi sýnir yfirlit yfir umframafla í tíundu viku. Bláu súlurnar sýna 22 skip af 30 sem lönduðu alls 100 kg. eða meira yfir leyfilegt magn. Gráu súlurnar sýna heildarmagn umframafla fyrir hvern löndunardag en umframafli var mestur mánudaginn  5. júlí sl. eða 5.758 kg.

Grænu súlurnar sýna umframafla eftir svæðum og sem fyrr kemur mestur umframafli á land á svæði A eða 8.465 kg.

Sjónrænar upplýsingar um umframafla í tíundu viku strandveiða

 

Gögn sem Fiskistofa birtir byggja á fyrirliggjandi aflaskráningu á hafnarvog. Framangreindar upplýsingar eru birtar með þeim fyrirvara að skráning á hafnarvog sé lokið. 

Til baka Senda grein

Finna skip

Tungumál síðu




banner1
Þetta vefsvæði byggir á Eplica