Upplýsingastefna
Upplýsingastefna Fiskistofu
Það er stefna Fiskistofu að byggja stjórnsýslu-, eftirlits- og þjónustuhlutverk sitt á vandaðri öflun, úrvinnslu og miðlun upplýsinga um sjávarútveg, fiskeldi, lax- og silungsveiði og hvalveiðar.Markmið:
- Fiskistofa veitir góðan aðgang að áreiðanlegum og skýrum upplýsingum um þau málefni sem stofnunin fer með og um starfshætti stofnunarinnar.
- Fiskistofa hefur frumkvæði að öflun, úrvinnslu og birtingu upplýsinga og vinnur markvisst að því að nýta tækni og þekkingu til að gera æ betur í þeim efnum.
- Fiskistofa vill vera í fremstu röð opinberra stofnana í upplýsingamálum.
- Öll birting upplýsinga og upplýsingagjöf fer fram á grundvelli upplýsingaöryggisstefnu Fiskistofu.
Markhópar:
- Fiskistofa vill tryggja hagsmunaaðilum sem bestan aðgang að áreiðanlegum upplýsingum og stuðla þannig að trausti og gagnkvæmu samstarfi. Upplýsingar sem Fiskistofa safnar varða fjölbreyttan hóp hagsmunaaðila:
- Þær eru grunnur fyrir stjórnvöld til þess að meta stöðuna og móta stefnu í sjávarútvegi og fiskveiðum.
- Þær eru mikilvæg forsenda stjórnunar og eftirlits stjórnsýslunnar með málaflokknum.
- Þær leiðbeina fyrirtækjum og einstaklingum í sjávarútvegi og fiskveiðum og gefa þeim yfirsýn yfir eigin stöðu og möguleika.
- Þær eru mikilvæg undirstaða skóla og rannsóknastofnana varðandi fræðslu, rannsóknir og nýsköpun.
- Þær gefa almenningi og fjölmiðlum færi á að fjalla um sjávarútveg og fiskveiðar með upplýstum hætti.
- Þær eru forsenda þess að starfsfólk Fiskistofu geti haft þá yfirsýn sem nauðsynleg er til að skila sem bestum árangri í starfi.
