Ókvótabundnar tegundir

Veiðar á ókvótabundnum tegundum 2020

Fjölmargar fisktegundir og önnur sjávardýr sem ekki eru bundin aflamarki eru nýttar hér við land ár hvert. Í sumar tegundir er sótt beint en aðrar tegundir koma sem meðafli.

Í töflunni hér fyrir neðan má sjá að veiðar grásleppu jukust talsvert aftur, eða um 5%, og var mest veidda ókvótabundna tegundin 2019/2020. Veiðar á sæbjúgum drógust aftur saman eftir mikla aukningu síðustu tvö fiskveiðiár. Veiðar á grásleppu og sæbjúgum,ásamt nokkrum öðrum tegundum, eru bundin sérstökum leyfum sem eru gefin út af Fiskistofu.



Af öðrum tegundum má nefna að afli í spærlingi jókst aftur á síðsta fiskveiðiári en aflinn fór frá því að vera 212 tonn 18/19 í að vera 647 tonn 19/20.

Undanfarin ár hefur verið óheimilt að stunda veiðar á lúðu og að fénýta lúðuafla. Eðlilega varð í kjölfar bannsins umtalsverður samdráttur í lúðuaflanum. Á fiskveiðiárinu 2014/15 var heildaraflinn til að mynda 72 tonn en á árum áður fór hann venjulega vel yfir 500 tonn. Á síðasta fiskveiðiári voru veidd 157 tonn af lúðu.

Á fiskveiðiárinu 2018/2019 var afli í ókvótabundnum tegundum alls 12.864 tonn en fiskveiðiárið 2019/2020 dróst hann saman í 11.841 tonn. Afli á síðasta fiskveiðiári í ókvótabundnum tegundum nam 1,16% af heildarafla íslenskra veiðiskipa.



Finna skip

Tungumál síðu




banner1
Þetta vefsvæði byggir á Eplica