Strandveiðar

Yfirlit yfir strandveiðar 2020

Sumarið 2020 var tólfta sumarið sem strandveiðar eru heimilaðar. Fyrirkomulaginu sumarið 2018 var breytt á þann veg að heimilt var að veiða 10.200 tonn af óslægðum kvótabundnum botnfiski yfir allt landið og hver strandveiðibátur fékk 12 veiðiferðir í mánuði. Auk 10.200 tonna mátti veiða 700 tonn af óslægðum ufsa og landa honum til VS-sjóðs. Þá fengu útgerðirnar 80% af sölunni og VS-sjóðurinn 20%.

Sumarið 2020 var fyrirkomulaginu breytt þannig að heimilt var að veiða 10.720 tonn af óslægðum þorski, 1.000 tonn af ufsa og 100 tonn af gullkarfa, eða samtals 11.820 tonn af óslægðum botnfiski. Auk þessa afla mátti landa ufsa til VS-sjóðs.

Strandveiðiflotinn fullnýtti heimildir sínar í þorski og voru strandveiðar stöðvaðar 20 ágúst af þeim sökum. Það voru veidd 10.756 tonn af þorski og alls voru 619 tonn af ufsa landað til VS-sjóðs.

Fái fiskiskip leyfi til strandveiða falla úr gildi önnur veiðileyfi sem báturinn kann að hafa innan íslenskrar lögsögu. Sumarið 2019 var í fyrsta skipti hægt að fara fyrr úr strandveiðum og fá sín fyrri veiðileyfi áður en strandveiðitímabilinu lauk. Strandveiðafli reiknast ekki til aflamarks eða krókaaflamarks þeirra fiskiskipa sem stunda veiðarnar.




Alls voru gefin út 677 leyfi til strandveiðanna 2020 sem er 48 leyfum fleiri en árið áður. Þess má geta að af þeim lönduðu 669 bátar afla. Flestir voru strandveiðibátar á einni vertíð árið 2012 eða 761. Bátunum á strandveiðum hafði fækkað á síðastliðnum vertíðum en á vertíðum 2019 og 2020 var talsverð aukning. Flest leyfi voru gefin út á A-svæði, þau voru249. Á svæði B voru gefin út 138 leyfi, á svæði C voru gefin út 123 leyfi og á svæði D voru gefin út 165 leyfi.




Upplýsingasíða um strandveiðar

















Finna skip

Tungumál síðu




banner5
Þetta vefsvæði byggir á Eplica