Tilkynningar

Skipti á aflamarki – tilboð óskast

7.10.2020

Samkvæmt 4. gr. reglugerðar nr. 726/2020, um veiðar í atvinnuskyni fiskveiðiárið 2020/2021, með síðari breytingum, auglýsir Fiskistofa eftir tilboðum í skipti á aflamarki.

Í boði er neðangreint aflamark, í tilgreindum tegundum, í skiptum fyrir aflamark í þorski. Við mat tilboða er stuðst við meðalverð aflamarks síðasta mánaðar. Viðmiðunarverð síðasta mánaðar: þorskur 231,4 kr/kg.

Tilboðsmarkaðurinn opnar klukkan 8:00 fimmtudaginn 8. október 2020. Ekki koma til álita tilboð þar sem aflamark sem boðið er, nær ekki 50% þorskígilda þeirrar tegundar sem óskað er eftir.

Athugið að samkvæmt gjaldskrá Fiskistofu (http://www.fiskistofa.is/umfiskistofu/gjaldskra/) ber að greiða 11.300 krónur fyrir hverja úthlutun aflaheimilda á tilboðsmarkaði. Þannig ber tilboðsgjafa að greiða þá upphæð fyrir hvert tilboð sem tekið er að fullu eða að hluta.

Fisktegund Þíg Aflamark  
Ýsa 0,91 174 kg
Ufsi 0,63 306.795 kg
Gullkarfi 0,71 655.087 kg
Blálanga 0,57 17.214 kg
Keila 0,35 663 kg
Hlýri 0,74 14.978 kg
Skötuselur 1,58 23.993 kg
Gulllax 0,38 462.637 kg
Grálúða 2,11 647.094 kg
Skarkoli 0,97 343.124 kg
Þykkvalúra 1,32 52.319 kg
Langlúra 0,61 41.641 kg
Sandkoli 0,25 11.507 kg
Skrápflúra 0,21 731 kg
Síld 0,13 1.881 tonn
Úthafsrækja 1,15 272.208 kg
Litli karfi 0,32 36.252 kg
Breiðafjarðarskel 0,32 4.929 kg
Djúpkarfi 0,81 656.352 kg

 

Eingöngu er unnt að gera tilboð í gegnum UGGA, upplýsingagátt Fiskistofu. Tilboðasmarkaðinn má finna undir Umsóknir/Þjónusta. Vakin er athygli á að Ugginn sendir sjálfkrafa staðfestingu um móttöku tilboðs.

Afturköllun tilboða eftir að umsóknarfrestur er runninn út er óheimil. Að gefnu tilefni er rétt að benda bjóðendum á að skv. 2. mgr. 4. gr. reglugerðar 726/2020 sem fjallar um þennan tilboðsmarkað, eru það eingöngu bjóðendur, ekki Fiskistofa, sem er heimilt að afturkalla tilboð svo lengi sem þeir gera það áður en tilboðsfrestur er liðinn. Því er mikilvægt að yfirfara tilboð vel áður en því er skilað og skoða tilboðið undir „Málin mín“ í UGGA eftir að tilboðinu hefur verið skilað til að tryggja að allt sé rétt. Ef mistök hafa átt sér stað við tilboðsgerð þá getur bjóðandi afturkallað tilboðið í UGGA allt þar til tilboðsfrestur rennur út.

Frestur til að skila tilboðum er til kl. 16:00 fimmtudaginn 15. október 2020


Finna skip

Tungumál síðu




banner3
Þetta vefsvæði byggir á Eplica